Misión complicada para o Rotogal Boiro Voleibol

Miguel Alvarez.- O conxunto de Emilio Palacio regresa mañá, ás 19.00 horas, á Cachada, para medirse co Léleman Valencia, un rival que superou a Teruel e Unicaja Almería nos seus dúas primeiras comparecencias.
Os boirenses aspiran a sumar os seus primeiros puntos do curso #ante un adversario moi reforzado con respecto á pasada campaña.
En principio, o Rotogal Boiro Voleibol recupera a Pablo Nieto, que non puido participar no derbi
do pasado sábado contra o Arenal Emevé por lesión. O técnico Emilio Palacio non poderá contar con Martín Casais, nin, como sucedeu nos anteriores compromisos, cos estranxeiros Elgueta, Kleist Mendonça e Wu Cheng-Tang.
O Léleman Valencia situouse na parte alta da clasificación no inicio da tempada. O conxunto levantino reforzouse moito, sobre todo, tras a chegada do receptor Javier Monfort e o central Maximiliano Scarpin, procedentes do Melilla, campión de Copa a anterior campaña. Eses dous xogadores súmanse a outras pezas crave que permanecen ás ordes de Fabián Muraco como a oposta Aclamación Amorim ou o colocador Vicente Monfort.