Localizada en Serra de Outes á veciña de Carballo desaparecida desde o luns

A muller de 41 anos que faltaba da súa casa en Carballo desde o luns foi localizada este martes en Serra de Outes.

Tras ser identificada por veciños da zona grazas ao aviso lanzado polos seus achegados, unha patrulla da Garda Civil de Porto do Son trasladouse ao lugar onde fora vista.
A muller foi evacuada por Urxencias Sanitarias 061 ao Complexo Hospitalario Universitario de Santiago para ser sometida a un recoñecemento médico.