A Casa da Cultura de Boiro acolle este xoves 6 de outubro, ás 19.00 horas, a inauguración da mostra O noso planeta, da Obra Social de Abanca (Afundación). Asistirán María Outeiral, concelleira de Cultural, José Manuel Vilariño, coordinador institucional de Abanca na Coruña, e Vanessa Sende, especialista da Área Educativa de Afundación. A mostra poderá visitarse durante os meses de outubro e novembro na Casa da Cultura. Está baseada na recoñecida serie documental de Netflix, coa participación de David Attenborough.
Esta escolma fotográfica tenta concienciar sobre a problemática á que se enfronta o planeta pola acción do ser humano: plásticos, encoros, quecemento global, contaminación, etc. Convidase aos visitantes a mergullarse “na beleza natural do planeta Terra para reflexionar sobre o impacto da nosa actividade, así como sobre a necesidade inminente de incorporar a sustentabilidade á nosa forma de vida”.
Trátase dunha exposición con imaxes sorprendentes, elementos audiovisuais e interactivos, Realidade Virtual e unha “mensaxe imprescindíbel”, en palabras de Abanca.
