Este venres proxéctase Mater Amatísima no Centro Social de Boiro

Este venres 14 de outubro ás 19.00 horas vaise celebrar no Centro Social de Boiro a proxección do filme Mater Amatísima (2017) de María Ruido, seguida dun debate complementario. Trátase dunha actividade organizada pola Asociación Cultural eSe8 dentro do programa Ultreia et Suseia, Cinema Galego.

Partindo dunha reevaluación do mito de Medea, Mater Amatísima é un ensaio visual que se pregunta se, dado o carácter fetichizador e normalizador que se concede á maternidade no patriarcado para así perpetuar a orde social, eliximos verdadeiramente ser nais.