Este sábado 29 de outubro a veciñanza de Boiro vai ter unha oportunidade para introducirse de cheo no apaixonante (en enriquecedor en todo o sentido do termo) mundo dos cogomelos. Será grazas á Xornada Micolóxica organizada polo Concello e impartida por Saúl de la Peña Lastra, profesor e investigador da Universidade de Santiago.
A xornada terá unha parte teórica e outra práctica, comezando ás 9.00 horas coa conferencia Cando e onde atopar fungos en Galicia?, e proseguindo ás 10.00 horas cunha saída de campo (recollida, limpeza e reparto de cogomelos). Recoméndase levar roupa e calzado cómodos, unha cesta, unha navalla e un pincel, e máis comida para o xantar no campo. A actividade empeza ás 9.00 horas no Centro Social de Boiro.
