O Concello de Ribeira acaba de licitar os traballos para a apertura e urbanización do tramo final da rúa Barbanza na cidade.
O proxecto persegue mellorar as condicións de accebilidade e funcionalidade da zona, próxima ao parque de Centenario (no que se está a construír o novo Auditorio Municipal) e ao barrio de Abesadas
coa apertura deste novo tramo de rúa, que vai permitir a desconxestionar o tráfico e mellorar o acceso dende a avenida da Constitución ata o lugar onde se sitúan os Xulgados e a sede da Policía Local.
O novo tramo a aperturar conta cunha lonxitude de 60 metros e un ancho de 12,50, distribuídos en dous metros de beirarrúa en cada unha das marxes e unha calzada de 8,5 metros.
Ademais, as obras inclúen a instalación dunha rede de saneamento a través de unha tubería de PVC lisa de 315 milímetros de diámetro e outra de pluviais cunha tubería de PVC corrugada do mesmo grosor.
Tamén se colocará unha tubería de polietileno de 90 milímetros para auga potable.
O orzamento da actuación ascende a 56.205,86 euros, IVE incluído, e ten un prazo de execución de dous meses.
As empresas interesadas dispoñen ata o 14 de novembro para presentar as súas ofertas a través do Sistema de Licitación Electrónica da Xunta de Galicia (SILEX).
