A Asociación Boirense de Empresarios (ABE) lanzou unha nova campaña dirixida a impulsar o tecido produtivo local e a premiar, enxalzar e distinguir a crucial colaboración da cidadanía neste impulso. De feito, na nova campaña, materializada a través dos lemas Eu#ConsumoLocal e Eu#SonBoiro, as e os protagonistas son as e os clientes das empresas asociadas (un total de oito). As mensaxes a prol da defensa do comercio de proximidade que acompañan a campaña están xa nas rúas de Boiro. A iniciativa conta cunha parte física e outra online, a desenvolver en www.abe.gal e nas redes sociais que mantén a patronal na Internet.
Dende este martes 25 os rostros de oito clientes van a estar moi presentes na vida diaria da veciñanza de Boiro xa que coa primeira parte desta campaña instalaranse 50 pancartas, 2 monólitos de 2,5 metros e 1 mupi colocados polas rúas da localidade. Os protagonistas destas pancartas encargaranse de recordar cales son as razón polas que mercan na localidade e calen son os beneficios de consumir localmente.
En palabras do presidente da ABE, Daniel García, “a campaña ten como obxectivo concienciar á cidadanía dos beneficios de mercar en Boiro”
Os protagonistas e as frases
1. ISA – Porque me ofrecen asesoramento especializado.
2. SONIA – Porque cos negocios abertos Boiro é seguro, luminoso e ten mais vida.
3. DANIEL – Porque podo mercar produtos frescos e de tempada que son sinónimo de calidade.
4. COCÓ – Porque os negocios locais xeneran emprego para os veciños
5. ROSI – Porque colaboran coas actividades deportivas, sociais e culturais do pobo.
6. SARA – Porque favorecen a compra racional e unha economía sostible
7. DANIEL – Porque aforro tempo e podo dedicarllo aos que máis quero.
8. JOSÉ – Porque atopo artigos especializados que aportan exclusividade.
Parte online
García explicou que “en paralelo á parte física existe unha parte en liña na que cada semana farase unha publicación en redes e Web coas fotografías dos protagonistas e o venres as 12.00 horas lanzarase un vídeo protagonizado por estes mesmos protagonistas que será o punto forte da parte máis dixital da campaña”.
A iniciativa conta con financiamento da Xunta de Galicia e coa colaboración do Concello de Boiro que dende a alcaldía e a Concellería de Comercio ofreceron de novo a máxima colaboración para as actividades desenvolvidas polo colectivo.
