Charo pita leva os contos de Andar aos biosbardos á Biblioteca de Boiro (o sábado 15)

Este sábado 15 de outubro a Biblioteca Municipal de Boiro vai dar acollida, ás 12.00 horas, ao espectáculo de narración oral Andar aos biosbardos, un contacontos de Charo Pita especialmente concibido para o público infantil. A función baséase no libro do mesmo nome publicado pola propia narradora.

Tanto o libro como o espectáculo de narracións están ateigados de boas historias: as que Lebre, Lagarta, Cangrexo, Abella e o Vento Norberto adoitan contar baixo o Freixo Engurrado. “Historias que talvez fagan deste libro o máis marabilloso do mundo”.

Charo Pita

(A Coruña, 1966). Licenciada en Filoloxía Hispánica, é escritora e contacontos e imparte obradoiros de narración oral. O seu traballo como narradora abrangue diversas áreas, desde o conto infantil ata o relato erótico e de terror, así como montaxes musicais. Entre as súas publicacións destacan Desde Arcadia para Govinda (2001, Premio de poesía Espiral Maior), O cuatro de Jane  (2021, XV premio de poesía erótica Illas Sisargas), Oxalá estiveses aquí (Galaxia, 2016), No país do vento (2018), Estamos no verán!!! (Galaxia, 2012) e Andar aos biosbardos. (Galaxia, 2021), entre outros.