Carlos Blanco estará o día 22 no Auditorio de Rianxo

O sábado 22 de outubro, ás 20.30 horas, o actor e narrador arousán Carlos Blanco achegarase ao Auditorio de Rianxo co espectáculo Os mellores monólogos, unha escolma das súas narracións orais máis coñecidas, entre as que se atopan As bravas de Arousa ou As grandes frases das nosas avoas e avós. Será unha hora de humor cun dos máis singulares e recoñecidods representantes da comedida no ámbito galego.

A entrada ten un custe de 12 € + gastos de comisión e pode adquirirse en ataquilla.com.

Carlos Blanco é un actor de Vilagarcía de Arousa cunha ampla traxectoria teatral, tamén como autor e director. Foi presentador da Radio Galega e traballou en múltiples programas e series de televisión para a TVG, sendo o de Ladislao na serie Mareas Vivas, onde tamén exercía de guionista, o papel que o deu a coñecer en Galicia.