Boiro celebra este domingo 23 unha marcha contra o cancro

Este domingo 23 de outubro a veciñanza de Boiro e da comarca vaise calzar as botas para participar nunha Andaina contra o Cancro, en beneficio da Asociación Española Contra o Cancro (a AECC). A marcha ten a saída fixada para as 11.00 horas na praza de Galicia. Serán cinco quilómetros de percorrido, dende a praza de Galicia até o Paseo Marítimo pasando polo esteiro do río Caraño e volvendo logo ao centro de Boiro. As inscricións están abertas nas mesas locais da Asociación Española Contra o Cancro, na Farmacia Ortopedia Ana Torrente, en Modas Naty, na Galería Sargadelos e máis na Oficina de Turismo.