Meteogalicia, elevou o aviso de amarelo a laranxa por vento e choiva para este mércores e xoves en varios puntos do litoral de Galicia.
A Axencia decretou durante madrugada deste mércores, concretamente entre 3,00 e as 9,00 horas, o aviso laranxa no litoral de Pontevedra, onde poden rexistrarse ata 30 litros por metro cadrado (l/m2) nunha hora. No mesmo tramo horario, espéranse fortes refachos de vento na Costa da Morte e o litoral das Rías Baixas, onde a alerta tamén se vai a elevar a laranxa ao esperarse ventos de forza 8 e, mesmo, 9. Está previsto que a alerta se desactive durante o día, aínda que se espera que volva impoñerse a alerta laranxa a partir das 21,00 horas do mércores ata as 15,00 horas do xoves.
Para este mércores pola mañá mantense activa a alerta amarela por choivas nas provincias de Pontevedra e A Coruña, onde poderían caer ata 15 litros por metro cadrado nunha hora.
