O escritor compostelán Emilio Vázquez Fernández vai presentar a súa nova obra literaria, Emil el rival, no Auditorio de Rianxo. Será este venres 21 de outubro, a partir das 21.00 horas.
Emil o Rival é a primeira entrega dunha saga viquinga, ambientada no século X, onde se narran as aventuras e desventuras dun cacique normando dende a súa nenez, cando é encarcerado aos oito anos como escravo nunha das incursións dos feroces guerreiros do norte polas aldeas asentadas na beira do río Ulla (que na novela figura como Volia), despois de ser brutalmente saqueadas e asasinados os seus habitantes. Este cativo, chamado Miguel, é adoptado en terras escandinavas polo nobre da rexión (o Jarl) e criado e instruído para a guerra, a morte e a destrución. Comeza así a lenda de Emil o Rival, un viquingo de ollos castaños e cabelo escuro e rizado.
