Un total de 330 competidores participarán na edición XXI do Campionato de Tae kwondo Cidade de Ribeira. A cita será no polideportivo da Fieiteira esta fin de semana. Están convocados 39 clubes de Galicia, resto de España e Portugal.
As categorías que se medirán nesta competición son cadete, junior e absoluta, as rankeables para o campionato galego. O espazo estará dividido en 5 pistas de combate na que estarán presentes 40 árbitros e 60 coaches.
Na presentación do torneo, o deportista olímpico Álex Vidal sinalou que esta experiencia é moi enriquecedora para os participantes xa que supón unha toma de contacto para eles de cara o resto da
tempada. Vidal sinalou que esta cita tamén é moi importante para a economía do municipio xa que se consegiu unha total ocupación hostaleira e hoteleira grazas á chegada de competidores e tamén das
súas familias que pernoctarán en Ribera na fin de semana.
Na presentación tamén estiveron presentes a concelleira de Cultura, María Sampedro e o concelleiro de Deportes, Javier Sampedro.
Ambos agradeceron ó Clube Natural Sport que sempre poña Ribeira no mapa do taekwondo a nivel internacional e cualificaron o torneo desta fin de semana como unha cita in eludible deste deporte tan
afincado no municipio.
Está previsto que o campionato comece contra as nove da mañá do sábado ,se prolongue durante toda a xornada e remate o domingo ó mediodía.
