O Concello de Porto do Son presentou o programa anual das Escolas Deportivas, que teñen a data de comezo fixada para este 3 de outubro e que ofrece unha deslocalizada e variada axenda de actividades en diferentes parroquias (Santa Irene no Son, Portosín, Queiruga, Xuño, Caamaño e San Pedro) e para diferentes treitos de idade: predeporte, acrobacias, baile moderno, pilates, cross training júnior, combat ou spinning . Por certo que unha parte do programa foi concibida para achegar hábitos deportivos e saudábeis para a poboación sénior do concello, a través dos cursos de mantemento de maiores. Xa se poden facer as inscricións no rexistro ou na sede electrónica local. A información sobre as actividades pode solicitarse a través de deportesdoson@gmail.com e a través do teléfono 981 76 77 58.
O Club de Xubilados de Lousame convoca a segunda etapa das andainas polo Camiño a Santiago pola ría de Muros Noia
O Club de Xubilados de Lousame, en colaboración co Concello, convoca a segunda etapa das andainas polo Camiño a Santiago pola ría de Muros Noia. Unhas andainas abertas á participación de toda a veciñanza de Lousame e da comarca, que se desenvolven ao longo de...