UXT Xustiza denunciou que a Xunta enviou ao Rexistro Civil de Noia unha impresora “que non cabe pola porta”

UXT Xustiza denunciou que a Xunta de Galicia enviou ao Rexistro Civil de Noia unha impresora “que non cabe pola porta”. Con isto pretenden poñer de manifesto o pouco espazo do que dispoñen os traballadores, aínda que a Administración autonómica ha defendido que se trata de algo puntual, dado que se instalará nun despacho determinado que require desmontar a porta.

Segundo explica o sindicato nunha nota recollida por galiciapress “a porta de acceso á dependencia do Rexistro Civil é tan estreita que a impresora que enviou a Xunta non cabe e van ter que tentar metela pola xanela”. O Goberno galego recoñéceo, pero xustifícano pola instalación da impresora “nun despacho determinado”.

Ante a falla de solución UXT-XUSTIZA presentou unha queixa na Valedora do Pobo a fin de que requirise á Xunta unha “solución inmediata” ao problema de espazo que, ademais, “causa enormes danos ás vítimas de violencia de xénero ás que non se lles garante a separación necesaria respecto do agresor”.