O operario quedou nunha complicada posición entre as tubaxes da sala de máquinas da embarcación, o que implicou o seu rescate mediante unha padiola con cordas por parte dos servizos de emerxencia. Posteriormente, foi trasladado noutro barco ao peirao de Portosín, onde foi atendido polos servizos sanitarios e evacuado ao Hospital do Barbanza.
Os feitos sucederon no peirao pesqueiro, en Portosín, ao fío das 11:30 horas.6
Nese momento, o 112 Galicia recibiu a alerta do accidente laboral a través de Urxencias Sanitarias de Galicia-061.
De xeito inmediato, o persoal do CIAE 112 Galicia puxo a situación en coñecemento da Garda Civil, da Policía Local, de Protección Civil, dos Bombeiros de Ribeira e de Boiro e do GES de Noia.
