A corporación de Outes celebrou pleno extraordinario para aprobar as actuacións que se financiarán con cargo ao Plan Único adicional da Deputación para este ano. Son dúas as obras que se executarán cos fondos provinciais por un importe total de 120.000 euros.
No pleno aprobouse a mellora de beirarrúas e saneamento en Cruceiro de Roo no tramo comprendido entre o cruzamento da igrexa e o de Bendimón. Esta obra, cun custo de 61.000 euros, permitirá separar augas pluviais e residuais. A segunda obra é o arranxo do vial que vai desde Braño a O Piñeiro, no Freixo.
