O programa de roteiros Goza do Ulla volve ao litoral rianxeiro coa Ruta das Trece Cruces, abeirada á edición 2022 do dito programa. Será o vindeiro 8 de outubro.
O trazado previsto é unha ruta circular que percorre varios lugares destacados da contorna da desembocadura do curso fluvial que separa as provincias da Coruña de Pontevedra. Cómpre salientar as vistas que ofrece da punta Patiño ou de Trece Cruces, onde se atopa un Vía Crucis marítimo-fluvial de gran relevancia paisaxística en natural e que ofrece un espazo de interese para a observación de aves. Tamén se bordeará o monte das Cercas, no que se atopan os restos dun castro. O percorrido permitirá divisar a ría de Arousa e a marxe oposta pertencente aos municipios de Catoira e Vilagarcía, incluíndo a illa de Cortegada.
