M.A.- O Pavillón Municipal de San Sadurniño será escenario este sábado 24 dun cuadrangular no que tomarán parte, ademais do equipo anfitrión, o Rotogal Boiro Voleibol, o Emevé e o Téxtil Santanderina, tres conxuntos que militan na Superliga 1. Os da Cachada abrirán a competición ás 10.30 horas contra o Emevé.
A segunda semifinal arrincará ás 12.00 horas e terá como protagonistas ao San Sadurniño, que o sábado pasado proclamouse campión da Copa Galicia, e ao Téxtil Santanderina, equipo que logrou o ascenso á máxima categoría a pasada campaña. Os gañadores das dúas cruces mediranse na final, programada para o sete da tarde. O terceiro e cuarto posto celebrarase ás 17.30 horas.
O Rotogal Boiro Voleibol desprazarase a San Sadurniño coas baixas do seu tres xogadores estranxeiros: o oposto Elgueta, o central Wu Cheng-Tang e o receptor Kleist Mendonça.
O cuadrangular de San Sadurniño será o último test antes do inicio da Superliga 1, competición que arrincará o sábado 1 de outubro. Na primeira xornada, os da Cachada reciben ao sete da tarde ao Unicaja Almería, vixente campión da competición.
