O Rotogal Boiro Voleibol celebrou un adestramento conxunto co Dumbría na Cachada

M.A.- O Rotogal Boiro Voleibol e o Dumbría realizaron na tarde deste 15 de setembro un adestramento conxunto na Cachada. O resultado do partido amigábel foi de empate a dous sets.

Os locais só contaron con sete xogadores, xa que Martín Casais, Mario Iglesias e Mateo Fajardo atopábanse lesionados e Wu Cheng-Tang, Elgueta e Kleist Mendonça aínda non se incorporaron ao equipo.

A próxima cita do Rotogal Boiro Voleibol terá lugar pasadomañá, sábado, ás 12.00 horas
en Pontevedra. Os de Emilio Palacio mediranse ao Vigo en semifinais da Copa Galicia. En caso
de vencer, disputarán a final ao sete da tarde contra o vencedor do San Sadurniño-Dumbría.