O PSdeG presentou iniciativas no Parlamento de Galicia coa petición de varios veciños de Porto do Son para demandar á Xunta unha solución alternativa “urxente e dialogada” ao proxecto de estación depuradora de augas residuais (EDAR) do lugar de Ponte.
A deputada socialista Noa Díaz, que se reuniu coa plataforma veciñal, lembra que “non se está opoñendo” a unha depuradora necesaria, pero reclama que non estea próxima a vivendas, que non verta no río Maior e non afecte á praia de Dique.
Neste contexto, a parlamentaria lamenta que a Xunta adxudicase o proxecto facendo “caso omiso” ás alternativas dos aldeáns, e “moito menos informando os veciños e veciñas afectadas”, que levan recollidas case 2.000 sinaturas tan só no mes de agosto e presentaron unha queixa ante a Valedora do Pobo.
