Este venres 16 de setembro o Pazo de Goiáns (Boiro) vai acoller a presentación do libro Marea Morta, de Ana Lojo Chan. Será a partir das 20.30 horas e contará coa presenza de María Outeiral, concelleira de Cultural, e de Mariano Muñiz.
Sinopse
Liz vive coa súa nai en Edimburgo e acaba de chegar a un pobo de Galicia para pasar unhas semanas cos seus avós, tíos e curmá, dos cales estivera anos afastada. Acompañada de familia e amigos, pasa unha das mellores experiencias da súa vida, á vez que tenta dar sentido a ese secreto que tanto a atormenta, e é que, aínda que nosa protagonista pode chegar a dubidar da existencia de certos mitos…, habelas hailas.
Só Liz poderanos dicir se consegue superar todos os seus medos, pero o que si logra é descubrir a importancia da amizade, a ilusión dun primeiro amor e o valor dalgunha que outra tradición da terriña.
A súa curiosidade é a causante de que atope uns poemas cuxo significado irá desvelando, á vez que destapa outros misterios e verdades ata chegar a converter ese mes e medio no seu mellor verán…, because life is beautiful!
