O alcalde, José Ramón Romero, e a concelleira de Deportes, Dores Torrado, recibiron no Concello de Boiro, este martes 27 de setembro, ao deportista boirense Carlos Mora, que vai realizar unha etapa do Camiño de Santiago xunto con asociación Discamino.
Carlos Mora sairá a finais desta semana dende Arzúa para realizar co grupo, que saíu o día 1 dende Roncesvalles, dúas etapas do Camiño para chegar logo a Santiago. O alcalde e a concelleira conversaron con el antes da súa partida para coñecer como vai ser o traxecto e como decidiu sumarse a esta andanza.
DisCamino axuda a calquera persoa discapacitada, sexa física ou mental, a facer o camiño de Santiago e desfrutar da peregrinaxe. Ten o engadido extra de que amais da axudar á realización da ruta con ferramentas adaptadas, achega a preparación física e mental que se precisa para levar a cabo este reto. Na entidade contan con bicis adaptadas para persoas con discapacidades diversas e de todas as idades.
