O Concello de Boiro colabora coa Asociación Española contra o Cancro na organización da andaina solidaria “Boiro, en marcha contra o cancro” e que terá lugar o vindeiro 23 de outubro. O alcalde, José Ramón Romero, e a presidenta da Asociación en Boiro, Marisa Lojo, realizaron a presentación da
proba acompañados do concelleiro de Servicios Sociais, Raúl Treus.
A andaina constará dun percorrido duns 5 quilómetros, moi sinxelo para que calquera persoa poida participar, e que sairá ás 11.00 horas da Praza de Galicia, pasará polo núcleo da Boliña e o paseo do río Breiro ata o Paseo Marítimo, percorrerá o paseo do Estuario do Río Coroño e regresará á praza de
Galicia.
As inscricións están xa abertas e poden facerse na Oficina de Turismo de Boiro, na Farmacia Ortopedia Ana Torrente, na Galería Sargadelos, en Modas Naty, nas mesas da Asociación Española contra o cancro que se instalan os martes e sábados na rúa peonil así como na web.
O prezo da inscrición é de 5 euros para as persoas adultas e 3 para os nenos e nenas de ata 12 anos. Todos os beneficios recadados son para a asociación.
