O 12 de setembro abren as inscricións para os cursos de natación en Porto do Son

A Piscina Municipal de Porto do Son está xa a tope de actividade, presentando as súas ofertas formativas para este curso 2022-2023 e que xa están a piques de abrir as súas inscricións: os cursillistas da tempada anterior (2021-2022) dende o luns 12 de setembro, os novos usuarios dende o venres 16 e os grupos de natación escolar (ANPAS) dende o luns 19 de setembro.

Ademais dende o Concello confirmaron que o inicio dos cursos está fixado para o luns 3 de outubro. As prazas serán limitadas. Quedarán reservadas no intre de asinar a folla de inscrición nas instalacións e achegar o certificado de conta bancario de xeito presencial.