Noia porá en Galiciana máis de 53.000 documentos locais dixitalizados

22 Setembro 2022

O Concello de Noia achegou estes días un novo balance sobre os traballos de dixitalización do Arquivo Municipal, uns traballos que foron levados a cabo pola empresa Reproutlet (Unayta), consultora tecnolóxica de Ames centrada na transformación dixital. Segundo informou a área de Cultura de Noia que dirixe José Pérez, os documentos tratados serán accesíbeis aos cidadáns a través da súa importación aos repositorios do Arquivo Dixital de Galicia (Galiciana). Nestes acubillos estarán dispoñíbeis para a súa consulta até 53.228 páxinas dixitalizadas, que abranguen (e ilustran) a historia local dende 1559 a 1965.

Os traballos consistiron nunha captura dixital do fondo histórico do Concello de Noia así como tamén de asignación de metadatos para conseguir que estas imaxes dixitalizadas puidesen envorcarse aos repositorios Galiciana e “achegar deste xeito unha difusión maior de todo o patrimonio documental”, explicou a empresa no seu día, engadindo que o obxectivo foi “garantir a conservación dos documentos que se viñan atopando en moitos lugares maltratados, tanto polo ambiente ao que foron sometidos como polo propio espazo”. Outro dos obxectivos foi avanzar en transparencia e no acceso á información documental.

No feixe de documentos tratados hai dende planos municipais até datos do padrón, pasando por rexistros de obras e urbanismo.

Outros artigos

A Deputación convoca oitos dos seus certames culturais para este ano

O Boletín Oficial da Provincia publicou este martes 27 de febreiro a convocatoria de oito dos seus premios culturais para este ano: o Begoña Caamaño á acción cultural pola igualdade de xénero; o Antonio Fraguas de artesanía; o Castelao de banda deseñada; o Miguel...

+

Morre en accidente de tráfico o músico noiés Brais Tomé

Noia está novamente de loito, tras confirmarse o falecemento este pasado serán (o luns 26), en accidente de tráfico, do músico local Brais Tomé, membro do coñecido Dúo Togayán. O Concello e a Corporación local mandan dende as redes sociais o seu profundo pésame á...

+

A Deputación da Coruña apoia o labor de Misela, Renacer e ADISBISMUR

O presidente provincial, Valentín González Formoso, nunha visita á sede de Misela, en Noia A Deputación da Coruña publicou no BOP deste luns 26 de febreiro a concesión provisional das subvencións dirixidas a entidades sen fins de lucro para o mantemento de programas e...

+

Publicidade

Revista en papel

Opinión

“Inseguridade social” – José Manuel Pena

“Inseguridade social” – José Manuel Pena

A Fundación Europea para a Mellora das Condicións de Vida e de Traballo da UE (Eurofound) sinala que “os sentimentos de inseguridade en varios aspectos da vida da poboación europea están estendidos, mesmo entre as persoas que están materialmente acomodadas. Os...