No Son xa están abertas as inscricións para as Escolas de Música e Danza

O Concello de Porto do Son comunicou a apertura do prazo de inscrición para as actividades formativas anuais das Escolas de Música e Danza municipais, que achegan cursos de danza, pandeireta, piano (en Porto do Son e en Portosín), coro (de balde), gaita, percusión tradicional, guitarra (en Porto do Son e en Portosín) e linguaxe musical (solfexo). Quen precise máis información ou acceder ao formulario para facer a inscrición ten que visitar a web municipal.