McDonald’s iniciou as obras das súas novas instalaciónsen Ribeira nunha parcela próxima á gasolineira de baixo custo e pegada á rotonda do final da Autovía do Barbanza en Xarás, onde proxecta abrir un restaurante a partir do próximo Nadal no que xerarían ao redor de 40 postos de traballo.
Os terreos nos que leva a cabo a construción do restaurante desta cadea está sitúada nunha parcela da leira da Soledad, nun cruzamento de estradas ao final da Autovía do Barbanza e da estrada AC-550 (Cee-Ribeira), así como moi preto do polígono industrial de Xarás.
A superficie do edificio construído roldará os 300 metros cadrados, cun salón con capacidade para ao redor de medio centenar de persoas, e está previsto que tamén dispoña dunha terraza e un amplo aparcamento. Terá un espazo ao estilo bufé -McCaf. Ademais dos servizos habituais do restaurante, contará con kioskos dixitais e servizo en mesa, así como McAuto, podendo acudir co coche para recoller a compra, e McDelivery, é dicir, con entrega a domicilio en 30 minutos. E tamén contará cunha zona de xogos para os máis pequenos, que tamén dispoñerán dunha zona de mesas e cadeiras adaptadas á súa estatura.
