A Casa da Cultura de Porto do Son acolle o vindeiro 8 de outubro a representación do espectáculo Sós, de Malasombra Producións, unha función abeirada á axenda de Cultura da Deputación da Coruña, en colaboración co Concello. Trátase dun drama humorístico (ou unha comedia dramática) para público adulto (a partir de 14 anos), que aborda temas como a vellez, a convivencia e a soidade que sofren moitas persoas maiores nos seus últimos anos de vida.
En concreto, conta a historia de Rodrigo e Marcelino, dous homes octoxenarios que ven obrigados polas circunstancias a compartir piso. Os dous anciáns non se coñecen previamente, os dous teñen un carácter totalmente diferente, levaron vidas diferentes e teñen costumes e hábitos absolutamente diferentes, polo que a súa convivencia non vai ser fácil, aínda que non lles vai a quedar máis remedio que aprender a tolerarse.
Elenco: Marcos Orsi e Jouse García
Autor: Jose Prieto
Dirección: Xoque Carbajal e Jose Prieto
Escenografía: Kukas
Vestiario: Diego Valeiras
Produción: Esther Aja
Deseño gráfico: Miguel Carbajal T.
