Magín Blanco e Pablo Vidal levarán o espectáculo Cadernos de cores e cancións ao Casino de Noia

Os músicos Magín Blanco e Pablo Vidal, dous dos grandes referentes da canción infantil galega, van facer unha parada no Casino de Noia o vindeiro 25 de novembro, ás 18.00 horas, para presentar o seu espectáculo musical Cadernos de cores e cancións.

Trátase dunha actividade para público infantil e familiar que propón un percorrido pola creación musical e literaria das cancións. Partindo do legado dos trobadores e trobadoras, esta proposta de dinamización en formato concerto-obradoiro repasa diferentes cancións en lingua galega e facilita un espazo de interacción e intercambio co público para que, de forma colectiva, se cree unha nova peza. A través do xogo, o publico poderá comunicarse e facer uso da lingua galega coas melodías, as harmonías e a musicalidade poética das rimas. A cita abéirase á axenda de TeceRedes da Secretaría Xeral de Política Lingüística.