O tenente de alcalde, Luís Ruiz, e a concelleira de Deportes, Dores Torrado, recibiron este mércores 7 de setembro ao Club de Piragüismo Rías Baixas logo do seu regreso da localidade checa de Racice, onde participou no campionato do mundo na modalidade de Dragon Boat.
O equipo tivo oportunidade de mostrar as medallas acadadas e contar aos concelleiros como foi a súa experiencia nesta competición.
O conxunto boirense acadou dúas medallas de bronce na competición, sendo as primeiras medallas que un equipo español logra nesta modalidade. O tenente de alcalde e a concelleira animáronos a seguir practicando esta modalidade e colleitando éxitos.
