I Xuntanza mariñeira Mar de Cabo

A Asociación cultural A GAMELA, vai organizar un encontro ao redor das embarcacións tradicionais e a cultura marítima os vindeiros 2 e 3 de Setembro en Cabo da Cruz.

A asociación continúa así co seu constante traballo a prol da recuperación e posta en valor do patrimonio marítimo tradicional no que ten acadado fitos como a organización do XII encontro de embarcacións tradicionais de Galicia ou a recuperación de tres embarcacións tradicionais como son as gamelas do Cabo da Cruz “Esperanza Libertade” e “Nova Esperanza” e a buceta “Pialla”.

O encontro desta fin de semana, no que participarán embarcacións e asociacións do Grove, A Illa de Arousa, Ribeira e a Serra de Outes entre outras, ten o seguinte programa:
Venres 2
 18:00h. RECEPCIÓN DAS EMBARCACIÓNS PARTICIPANTES
Porto Náutico de Cabo da Cruz
 20.00h. PRESENTACIÓN DA REVISTA ” NOVA ARDENTÍA ” Nº 14
Mesón Abadía de San Enrique, na que participan:
Gerardo Triñanes
Emilio Xosé Insua
Antón Mascato
Manuel Lara
Isolina Lorenzo
María Outeiral _ Concelleira de Cultura do Concello de Boiro, administración colaboradora.
 22:00 CONCERTO: “BOROA “
No Mesón Abadía de San Enrique

Sábado 3
 11:00 HOMENAXE ÁS BUCETAS
_Regata de bucetas a remos
_Navegación libre “Proa á Bensa”
 14:00 VERMÚ NA BATEA
Vermú amenizado por grupo tradicional e coa participación do poeta e mariñeiro Xosé Iglesias
 18:00 MARIÑEIRA DA POPULAR
No clube de Remo do Cabo da Cruz
_Obradoiro de nós mariñeiros
_Exposición en seco das gamelas da asociación: “Esperanza Libertade” e “Nova Esperanza”
_Obradoiro para a rapazada “Largando por couso”: “Aparellamento das gamelas e izado de
velas”
_Xogos tradicionais
 21:00 PAELLA E FOLIADA
De mans do gran mestre paelleiro “Ollero” e os seus fieis colaboradores, mestres paelleiros:
Xocas, Parada e Valente.
Música tradicional a cargo do grupo Nunca é Tarde.
 22:00 CONCERTO: “BLUES DO PAÍS”

A Gamela Cabo da Cruz