A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 1.339, deles 273 son da área da Coruña, 196 da de Lugo, 236 da de Ourense, 152 da de Pontevedra, 188 da área de Vigo, 205 da de Santiago-Barbanza e 88 da de Ferrol.
Do total de pacientes positivos, 2 están en UCI, 98 en unidades de hospitalización e 1.239 no domicilio. Polo de agora, en Galicia hai un total de 672.580 persoas curadas, rexistrándose 3.907 falecementos.
O último falecemento rexistrado por coronavirus foi antonte día 26 , foi un home de 85 anos, da área sanitaria de Vigo. A persoa falecida tiña patoloxías previas.
O número de PCR realizadas é de 3.980.284.
O número de doses de vacina contra a covid-19 administradas é de 6.738.653.
A Xunta continúa a traballar desde a máxima coordinación interdepartamental e co Ministerio de Sanidade, tamén mantendo o contacto con todos os axentes socioeconómicos de Galicia. Neste senso, Sanidade permanece en alerta actualizando todas as medidas e recomendacións e en vixilancia permanente.
