O sábado 24 de setembro, ás 12.00 horas, celebrarase na praza de Manuel Antonio, en Asados (Rianxo), un acto homenaxe ás 27 mulleres do Partido Galeguista de Asados.
No acto intervirán o alcalde de Rianxo, persoas da Comisión pola recuperación da Memoria Histórica da Barbanza, Xesús Santos Suárez e Aurora Marco. Tamén se contará cunha intervención musical de José Luís do Pico Orjais.
O acto enmarcase nas propostas do XII Seminario sobre a Memoria que se celebra do 23 ao 25 de setembro en Rianxo e Boiro.
