O Concello de Dodro presentou o curso 2022/2023 das Escolas Deportivas Municipais. O inicio está fixado para o luns 3 de outubro e as inscricións xa se poden formalizar a partir deste martes 13 de setembro. O Goberno local achega un completo programa de actividades para a rapazada (psicomotricidade, multideporte, patinaxe, baile deportivo, fútbol, judo) e para adultos (ximnasia de mantemento, zumba, pilates e jumping fitness). Tamén haberá propostas para maiores de 65 anos (psicomotricidade e tonificación).
Para resolver calquera dúbida cómpre contactar co Departamento de Deportes no 981802532, no enderezo de correo electrónico deportes@dodro.gal ou na oficina sita no Pavillón Polideportivo Municipal.
