Cultura de Noia organiza nestes comezos do outono unha nova actividade de dinamización cultural para fomentar a lectura entre as novas xeracións. Trátase dunha cita co narrador Caxoto, que ten preparadas unha chea de anécdotas divertidas da súa experiencia como varredor municipal, e tamén recursos para aprender de forma didáctica a importancia da reciclaxe e como levala a cabo de maneira axeitada.
Datos que cómpre ter en conta
- A Actividade será ás 18:00 horas do venres 30 de setembro no andar baixo do Edificio do Casino (a Biblioteca Municipal está alí provisionalmente por mor das obras na Casa da Cultura).
- Vai destinada para nen@s de idades entre 4 a 7 anos.
- Para anotarse, xa que as prazas son limitadas, terán que chamar de luns a venres ao 699301481.
- Anotaranse un máximo de 2 nenos por adulto.
- A duración estimada da actividade é de 60 minutos.
