Boiro entrega as bolsas a deportistas federados do ano 2021

O Concello de Boiro fixo esta tarde no Salón de Plenos da Casa Consistorial de Boiro a entrega das bolsas aos deportistas federados do municipio no ano 2021. Na entrega das bolsas participaron o alcalde, José
Ramón Romero, e a concelleira de Deportes, Dores Torrado, e o técnico de Deportes, Antón Gallardo.
Esta liña de axudas ten como finalidade promover e difundir aqueles deportes que teñen un carácter individual e que requiren unha dedicación de alto nivel. A contía total das bolsas entregadas é de 7.500 euros, que se dividiron en 5 bolsas de 300 euros, 10 bolsas de 200 euros, 16 bolsas de 150 euros e 16 bolsas de 100 euros, compatibles con outras axudas públicas ou privadas para a mesma finalidade.
O alcalde, José Ramón Romero, ensalzou “o gran traballo que realizan os pais e nais, os clubs deportivos e tamén o departamento de deportes para promover o deporte no municipio”. “Para nos é unha prioridade apostar polo deporte base xa que os rapaces e rapazas, ademais de aprender unha
disciplina deportiva e hábitos de vida saudables tamén se forman en valores”.
recoñeceu o alcalde.
Este ano aumentouse o importe destinado a estas axudas co obxectivo de poder becar a máis deportistas e apostar polo deporte de base nas distintas categorías. As bolsas están destinadas a rapaces e rapazas de entre 9 e 23 anos, dispoñer de licencia federativa e ter participado, na tempada anterior, en campionatos e convocatorias oficias de cada especialidade.
A concelleira de Deportes, Dores Torrado, resaltou a importancia que ten o deporte base, “algo que se ve reflexado nos grandes éxitos que están acadando os nosos deportistas, levando o nome de Boiro a campionatos a todos os niveis e nas distintas disciplinas”. Entre os deportistas becados hai rapaces e rapazas que están a competir ao máis alto nivel dos distintos clubs deportivos do municipio e das distintas modalidades como son o a natación, o taekwondo, piragüismo, remo, voleibol, atletismo…