Antonio Pérez doa a Ribeira o seu cadro “Rapeteiros da secada” que se vén de expoñer no Centro Cultural Lustres Rivas

A exposición de Antonio Pérez “Ribeira, mulleres homes e peixes” vén de pechar as súas portas no Centro Cultural Lustres Rivas e na mañá de hoxe tivo lugar a doazón ao Concello dunha das obras exhibidas, tal e como o artista local anunciara durante o acto inaugural da mostra.
Trátase do cadro “Rapeteiros na Secada”, pintado no 2008 e que representa unha arte de pesca hoxe desaparecida como é a rapeta nun lugar asociado á infancia do seu creador. Antonio Pérez aproveitou para agradecer as facilidades recibidas á hora de levar a cabo esta exposición.
O simbólico acto de doazón contou coa participación, ademais do artista, do alcalde Manuel Ruiz e da concelleira de Cultura María Sampedro. O rexedor municipal agradeceu a doazón desta obra e manifestou que se buscará un lugar importante onde situalo para desfrute da veciñanza.