O 22 de setembro a sede da Asociación Boirense de Empresarios (ABE) vai acoller unha nova xornada sobre como converter o noso traballo nunha fonte de saúde física e mental. Na xornada Fomento do hábito da vida saudable na contorna laboral mostrarase cales son os beneficios de promover a calidade de vida na empresa e as cousas que podemos facer para mellorar o estilo de vida das traballadoras e traballadores, o clima laboral e a imaxe que se proxecta ao exterior. A xornada celebrarase na sede da ABE en horario de 19:00 a 22:00 horas. Podemos reservar a nosa praza en www.apegalicia.gal. Organiza APE Galicia en colaboración coa ABE e con financiamento da Xunta.
