O pasado xoves reuniuse o xurado encargado de seleccionar os tres proxectos que van formar parte do proxecto Residentes: residencias artísticas de Boiro 2022, impulsado dende a galería La Doce e o Concello de Boiro. O xurado, composto polo xornalista, comisario e responsábel da sección de arte de ABC Cultural, Javier Díaz-Guardiola; a crítica e escritora de arte, María Von Touceda; o comisario e director de Outono Fotográfico e Premio Galicia de Fotografía, Víctor Nieves; a concelleira de Cultura, María Outeiral; e a mestra e coordinadores de La Doce, María Magán; seleccionaron 3 traballos e outros 3 suplentes entre os 60 proxectos presentados a esta convocatoria.
Os proxectos seleccionados son Sin Lume, Negro noche de Clara Álvarez, Xa se lle nota aos días de Sol Álvarez e Conserva de Deebo Barreiro.
A residencia artística vai constar dunha vivenda no centro de Boiro, acceso ao obradoiro da galería La Doce e unha axuda á produción de 1.000 euros para cada un dos artistas residentes.
Ao longo do mes de setembro desenvolverase varias actividades, obradoiros e encontros en colaboración cos artistas seleccionados e, no mes de outubro, terá lugar unha exposición dos traballos realizados durante este mes de convivencia.
