En Porto do Son, un coche saíuse da vía e bateu contra unha árbore, no punto quilométrico 79 da AC-550.
Como resultado do golpe, dúas persoas que circulaban no vehículo foron trasladadas ao Hospital do Barbanza.
Os feitos ocorreron moi preto das 13:30 horas. Nese momento, unha persoa particular contactou co 112 Galicia para dar conta do sinistro.
Acto seguido, o persoal do CIAE 112 Galicia pasou o aviso a Urxencias Sanitarias de Galicia-061, ao GES de Noia, aos Bombeiros de Ribeira, á Policía Local, á Garda Civil de Tráfico e a Protección Civil.
