Prosegue en agosto, en diverentes recantos de Noia, o programa de espectáculos Rúas Vivas

O espazo urbano de Noia é este verán un fervedoiro de actuacións de índole cultural. Éo grazas en parte ao programa Rúas Vivas, que comezou o 7 de xullo cun concerto de Ricardo Parada e logo de diversas actuacións musicais en diferentes recantos da vila durante o devandito mes, proseguiu en agosto coa Banda de Música de Noia (o domingo 7) e, este sábado 13, farao cunha sesión vermú a cargo de AirBand, ás 13.30 horas no Curro.

A axenda prosegue o martes 16 cun espectáculo de maxia ás 21.00 horas na praza do Curro, e o xoves 18 cun concerto de Elena ás 21.00 horas na praza da Constitución. O venres 19 volve a música da man de Copo de Aluá, ás 21.00 horas na Alameda, ao abeiro do programa Os Seráns no Malecón. De xeito paralelo, o venres 19, entre as 19.00 e as 21.00 horas, haberá música chill-out nas terrazas do Malecón de Gasset. O domingo 21 regresa a Banda de Música de Noia (ás 20.00 horas na praza do Cantón), e xa metidos en setembro, o xoves 1 haberá unha sesión DJ con Jerry Noia’s Jukebox, a partir das 21.00 na praza da Constitución. A axenda remata a fin de semana comprendida entre o venres 2 e o domingo 4 de setembro, coa festa de fin de verán de 50 anos Aló – Noia.

Presentación en xullo da axenda do programa