O Pazo de Goiáns de Boiro segue adiante coa seu carreira para converterse no epicentro cultural da nosa comarca, dando acubillo a todo tipo de espectáculos e actividades. Este luns 22 de agosto, sen ir máis lonxe, albergará unha función acrobática, de danza vertical e circense de Pistacatro. Trátase dunha cita dupla , conformada por O autoestopista intergaláctico (ás 21.00 horas) e Vertixe (ás 22.00 horas).
Ficha de Vertixe (Vértigo)
Presentación de Pistacatro
“En Vértigo de Hitchckok, se eliminamos a Scottie, quédanos ela, ou elas, as dúas personaxes que interpreta Kim Novak: Madeleine e Judi. E elas o enchen todo. Scottie tan só é un narrador, unha inxenua testemuña da espesa arboreda feminina do filme, maduro bosque de secuoias”.
“Na parede, no muro ou no precipicio, a compañía Pistacatro da man das Duelirium trata de evocar unha atmosfera dura, réptil, percorrer o trasunto que vai da unha á outra, que empeza na penumbra e remata no abismo”.
“As rutinas que se suceden no espectáculo parten dun entorno de investigación sen abandonar en ningún momento a vertente espectacular das artes verticais”.
“Vértigo é a primeira peza de Danza Vertical en parede que se fai en Galicia e que propón outros escenarios onde poder levar o circo e as artes do movemento da man da compañía factoría de circo galega Pistacatro e en estreita colaboración co dúo de aerealistas Duelirium”.
