Patrimonio devolve o seu esplendor aos petróglifos danados de Porto do Son

09 Agosto 2022

A Dirección Xeral de Patrimonio vén de recuperar os petróglifos da Gutrita, en Porto do Son, logo das agresións sufridas por este tesouro arqueolóxico esta primavera, denunciadas en maio pola Comunidade de Montes de Baroña (un atentado que consistiu en repasar as siluetas de cinco cervos e un sol cun obxecto punzante).

Os traballos despregados para recuperar os petróglifos (levados a cabo na Gurita e en Pedra Bicuda) complementáronse con labores para conservalos e interpretalos e identificalos de xeito máis doado, tentando evitar que no futuro se dean máis agresións deste estilo por descoñecemento da importancia do xacemento.

Ademais, os membros da Mancomunidade contribuíron á posta en valor dos petróglifos con tarefas de roza e limpeza na súa contorna, mellorando tamén os accesos para facer máis doado o seu desfrute por parte de persoas con dificultades de mobilidade.

A Consellería de Cultura, da que depende Patrimonio, explicou que o proceso de restauración conta cun investimento de 18.000 euros e inclúe a limpeza e consolidación dos gravados, así como a súa documentación gráfica pormenorizada.

Outros artigos

Publicidade

Revista en papel

Opinión

“Meus irmáns” – Xulio Xiz

“Meus irmáns” – Xulio Xiz

Fóronse meus dous irmáns: Mato, o maior, e Santi, o pequeno. O maior, morreume hai unhas semanas. O máis novo, o día do Pai. Se Xesús tivo vida longa e froitífera, Santi foise moi cedo despois de poñer unha pica en Bristol. Os tres somos tamén agora irmáns en terra:...