Outes prepara chan industrial que se debaterá no pleno do próximo xoves

O equipo de goberno de Outes leva dous anos tratando de lograr unha modificación que permita habilitar chan industrial no municipio.
Para iso é necesario aprobar unha modificación do plan urbanístico, unha proposta que está paralizada por falta de consenso na corporación, pero que podería desbloquearse tras o achegamento de posturas entre o executivo local e o PP, grupo maioritario da oposición.
O obxectivo do goberno outiense é habilitar chan industrial na zona da Xurisdición, nas proximidades da Serra.

O acordo parece máis factible tras as reunións mantidas nos últimos meses, e na que participaron ademais do rexedor, Manuel González, a tenente de alcalde, Alba Quintela, a portavoz do PP de Outes, Beatriz Muíños, e o membro popular Andrés Castro.

A portavoz popular mostrouse favorable a que a proposta supere o trámite da aprobación inicial. Neste sentido, sinalou que o que queren é que o documento saia a exposición pública e os veciños teñan a oportunidade de presentar alegacións.

remitida