A vila da Serra vai acoller este sábado 20 de agosto a segunda edición da Feiriña, a Feira do Comercio Local de Outes. Celebrarase na rúa Chapela a partir das 11.00 horas mañá (apertura) e incluirá diversas actividades de dinamización comercial e cultural para desfrute de residentes e visitantes e, tamén, para dar un impulso extra aos establecementos e as empresas do concello neste contexto post-COVID. A axenda do evento vén con espectáculos para a rapazada (circo a partir do mediodía), unha sesión vermú con Habana Café Son e, a partir das 19.00, unha mostra gastronómica de produtos típicos con degustación. (co cociñeiro Manuel Rey). A festa remata pola noite con Os Piñeiros Band.
Organizan o Concello e o tecido empresarial, comercial e hostaleiro de Outes.
