O Son acolle en setembro un curso sobre normas de actuación ante crises alérxicas ou diabéticas

O Concello de Porto do Son, en colaboración coa Escola Galega de Saúde para Cidadáns (dependente da Consellería de Sanidade), organiza este mes de setembro un curso sobre medidas de actuación situación de crises alérxicas, comiciais e diabéticas.

A actividade, de catro horas de duración, será de balde e estará dirixida a persoal docente, monitorado, familias e cidadanía en xeral. Os contidos serán impartidos por Carlos Prados Sande, enfermeiro do 061. O horario será de 16.00 a 20.00 horas. Haberá prazas limitadas. As persoas interesadas en participar no curso deberán enviar os seus datos á conta jose.pazo@portodoson.gal.