O programa Camiñantes e cantantes grávase este xoves en Boiro

Boiro vai acoller este xoves a gravación do programa musical Camiñantes e cantantes, que será rexistrado para a súa emisión en televisión (na TVG). A gravación levarase a cabo este xoves 18 ás 22.00 horas na praza de Galicia.

O musical, ademais de La Ocaband como banda musical principal, contará coa participación de outros convidados como son Pepo Suevos, Manuel Manquiña, Pili Pampín ou Lucía Pérez.

Camiñantes e cantantes é un musical integramente en galego, apto para un público familiar, e de carácter gratuíto, que terá unha duración aproximada de 120 minutos e será gravado para a súa emisión na Televisión de Galicia. Conta tamén co patrocinio da Xunta de Galicia, a través do Xacobeo 21-22 e da colaboración de Turismo de Galicia.