O Concello de Boiro informou de a zona da Mina na parroquia de Lampón, está a ser obxecto de obras de pavimentado. Trátase dunha actuación englobada no Proxecto de Mellora e Pavimentación en Carragueiros, Currillo, A Mina e Loimar financiada mediante o POS+2021 da Deputación da Coruña. O alcalde, José Ramón Romero, e o concelleiro de Urbanismo e Obras, Luís Ruiz, visitaron na mañá deste 23 de agosto o lugar onde se están a executar as actuacións.
Segundo informaron, o proxecto contempla a renovación do conxunto do firme e as súas características funcionais. Na Mina estase a actuar en tres tramos distintos, un deles de 500 metros entre a Mina e a Madalena e outros dous de 200 e 170 metros entre A Mina e Rosadelas.
Esta actuación, dun importe de 148.781,01 euros financiada mediante o POS+2021 da Deputación da Coruña, forma parte do plan de obras e melloras que o Concello de Boiro está a executar nos diversos núcleos do rural para mellorar os servizos e as conexións entre os diversos núcleos de poboación de todas as parroquias.
