O Concello de Boiro, a través do Departamento de Turismo, organiza visitas guiadas durante o mes de agosto ao Pazo de Goiáns, aos Muíños de Goiáns e polos sendeiros do municipio. O alcalde, José Ramón Romero, e o concelleiro de Turismo, Carlos Muñiz, presentaron este venres 5 de agosto as distintas actividades.
A partir deste sábado vanse realizar visitas guiadas ao Pazo de Goiáns, duns 45 minutos de duración, e que serán os martes pola tarde ás 18.15, 19.15 e 20.15 horas; de mércores a sábado pola mañá ás 10.15, 11.15 e 12.15 horas e polas tardes ás 18.15, 19.15 e 20.15 horas; e os domingos pola mañá ás 10.15, 11.15 e 12.15 horas.
Dende o departamento vanse organizar tamén visitas aos muíños de Goiáns, que serán os mércores de agosto de 16.00 a 17.00 horas; e tamén roteiros de sendeirismo guiados, que serán o 11 de agosto aos pasais do río Coroño e o 25 de agosto aos muíños do río Breiro.
Toda a información sobre as distintas actividades e inscricións na Oficina de Turismo do Concello de Boiro, aberta durante o verán de luns a venres en horario de 9.00 a 14.00 horas e de 17.00 a 20.30 horas, os sábados de 10.30 a 14.00 horas e de 17.00 a 20.00 horas, e os domingos de 10.30 a 14.00 horas
